NATO-dan Rusiya açıqlaması - Davam edirlər...

NATO Baş katibi Yens Stoltenberq Rusiyanın Ukrayna sərhədinə yaxınlığına hərbçilər cəmləşdirməkdə davam etdiyini açıqlayıb.

Teleqraf.com xəbər verir ki, NATO baş katibi bunu Ukrayna Prezidenti Vladimir Zelenski ilə görüşündən sonra elan edib.

“Rusiyanın Ukrayna sərhədləri yaxınlığına hərbçilər gətirməsini dayandırması haqda heç bir işarə görmürük. Əksinə, bu proses davam edir”, - NATO Baş katibi elan edib.

Stoltenberq Rusiyanın sərhədə hərbçilər yığmaqda davam etməsinə haqlı səbəb görmədiklərini deyib və bunun Avropanın təhlükəsizliyini təhdid etdiyini vurğulayıb.