Diktatorun arvadının ölümü ölkədə bayrama çevrildi - Xəbər elan olunan kimi...

Çilinin keçmiş diktatoru Auqusto Pinoçetin dul arvadı Lusiya Hiriart 99 yaşında ölüb.

Teleqraf.com xəbər verir ki, ölüm xəbərinin verilməsindən bir neçə dəqiqə sonra izdiham paytaxt Santyaqonun küçələrində bir sülalənin sonu kimi qəbul etdiyi bu olayı bayram kimi qeyd edib.

Bəziləri üçün Hiriart xeyriyyəçi idi. Başqalarının fikrincə, onun qaniçən ərinin üzərində böyük nüfuzu olsa da, diktatorun cinayət əməllərinə göz yumub.

Pinoçet 1973-cü ildən 1990-cı ilə qədər Çilidə hakimiyyətdə olub. Həmin dövrdə 3000-dən çox insan rejim tərəfindən öldürülüb və ya itkin düşüb.