BP "Rosneft"də iştirakını dayandırdı

Böyük Britaniyanın BP şirkəti Rusiyanın "Rosneft" şirkətindəki 19,75 faizlik payından imtina edib.

Teleqraf.com xəbər verir ki, şirkətin saytında bununla bağlı yerləşdirilən məlumatda “Rosneft”in direktorlar şurasındakı iki BP təmsilçisinin də geri çağırıldığı elan edilir: "Ümid edirik ki, bu addım şirkətimizin maliyyə vəziyyətində ciddi iz buraxmayacaq".

Qeyd edək ki, BP "Rosneft"dəki payı 11,2 milyard dollara almışdı. 2021-ci ilin 4-rübündə şirkət bu payın hesabına 555 milyon dollar gəlir əldə etmişdi.