Putin dayanmasa, qlobal təcridlə hesablaşmalı olacaq - Alman nazir

Almaniyanın Xarici işlər naziri Annalena Burbok deyib ki, Rusiya Ukraynadakı kursunu davam etdirərsə, qlobal təcridlə üzləşəcək.

Teleqraf.com xəbər verir ki, alman nazir Brüsselə səfərdən əvvəl bu bəyanatla çıxış edib.

“Bu yaxınlarda Nyu-Yorkda olduğu kimi, biz Rusiya prezidenti Vladimir Putinə siyasi və iqtisadi cəhətdən gücümüzü göstərməyə davam edəcəyik. Əgər o, bu kursu davam etdirsə, vahid fəaliyyətlə Rusiyanın qlobal təcrid olunması ilə hesablaşmalı olacaq. O və həm də onların ölkəsi itirir”, - nazir bildirib.

Annalena Burbok eyni zamanda qeyd edib ki, Qərb ukraynalıları, o cümlədən xaricə sığınacaq istəyənləri öz ixtiyarına buraxmayacaq:

“Bu vəziyyətdə Brüsseldə, NATO-da, eləcə də Aİ və G7-də bir daha bəyan etmək istəyirik ki, biz heç vaxt ukraynalıları taleyin ümidinə buraxmayacağıq. Nə öz ölkəsini yerdə müdafiə edənlər, nə də vətənindən kənarda sığınacaq axtaranları. Onlar dəstəyimizə güvənir”.

O əlavə edib ki, insanların və təcili ehtiyac duyulan humanitar yardımın təmin edilməsi son günlər Rusiya hökumətinin hərəkətlərinə cavab verdiyimiz görünməmiş sanksiyaların qədər vacibdir.