Ukrayna ordusu iki istiqamətdə əks-hücuma keçdi

Ukrayna Silahlı Qüvvələri Ukrayna ərazilərinin müdafiəsini inamla saxlayır və onun irəliləməsinə imkan vermir.

Teleqraf.com xəbər verir ki, bunu Ukrayna daxili işlər nazirinin müşaviri Vadim Denisenko deyib.

O bildirib ki, Ukraynanın müdafiəçiləri müdafiəni davam etdirir, bəzi yerlərdə isə əks-hücuma keçir.

“Dünən Mariupolda yerli döyüşlərin birində rusları bir az geri itələməyə və bir neçə texnikanı məhv etməyə müvəffəq olduq. İzyum yaxınlığında isə kiçik əks-hücum keçirib rusları geri itələyə bildik. Axı İzyum Rusiya ordusunun əsas istiqamətlərindən biridir, çünki bu, Donbasa gedən yoldur”, - Denisenko bildirib.

Denisenko əlavə edib ki, hər gün Mariupol ruslar tərəfindən atəşə tutulur: “Son 24 saat ərzində şəhərə ən azı 22 bomba atılıb. Şəhərdə blokadaya salınan 400 min insan üçün ən böyük təhlükə məhz göydən gəlir”.