Rusiyanın müharibə itkiləri açıqlandı: 16 400 əsgər, 117 təyyarə...

Ukraynaya qarşı müharibədə rus işğalçılarının ümumi itkiləri təqribən 16400 şəxsi heyət, 1640 zirehli texnika və 117 təyyarə olub.

Teleqraf.com xəbər verir ki, bu barədə Ukrayna Müdafiə Nazirliyinin açıqlamasında bildirilib.

Ukrayna ordusu son bir ayda Rusiyanın Ukrayna ərazisindəki itkilərini aşağıdakı formada təqdim edib:

16,400 nəfərə yaxın hərbi personal, 575 ədəd tank, 1640 ədəd zirehli döyüş maşını, 293 ədəd artilleriya sistemi, 91 ədəd MLRS, 51 ədəd hava hücumundan müdafiə vasitələri, 117 ədəd hərbi təyyarə, 127 ədəd helikopter, 1131 dəd avtomobil avadanlığı, 7 ədəd gəmi, 71 ədəd yanacaq və sürtkü materialları olan çənlər, 56 ədəd kəşfiyyat dronu, 19 ədəd xüsusi avadanlıq.

“Məlumatlar dəqiqləşdirilir. Hesablama hərbi əməliyyatların yüksək intensivliyi ilə çətinləşib”, - Ukrayna Baş Qərargah əlavə edib.