Yaponiya xəbərdarlıq etdi – Çinin yeni müharibə taktikası

Yaponiya Çinin artan hərbi fəaliyyətləri və “ağıllı müharibə” taktikası ilə bağlı hesabat yayımlayıb.

Teleqraf.com xəbər verir ki, Tokionun bu yaxınlarda açıqladığı 2022-ci il müdafiə hesabatında süni intellektlə dəstəklənən “ağıllı müharibə”nin Çinin hərbi sistemləri və texnologiya proqramlarına təsir göstərə biləcəyi deyilib.

“Çinin hərbi fəallığı və müdafiə siyasəti bölgə, o cümlədən, Yaponiya və beynəlxalq ictimaiyyət üçün ciddi narahatlıq doğuran məsələyə çevrilib və bu tendensiya son illərdə daha da güclənib”, - hesabatda bildirilib.