Cənub cəbhəsində ehtiyatlar artırılır, ərazi minalanır - Kremlin yeni planı

“Rus ordusu Ukrayna qüvvələrinin mövqelərini sistemli şəkildə atəşə tutur və aviasiya, reaktiv atəş sistemləri, lüləli artilleriya və minaatanlardan döyüş xətti boyunca istifadə edir”.

Teleqraf.com xəbər verir ki, bunu Ukrayna ordusunun Cənub əməliyyat komandanlığı bildirib.

Qeyd olunur ki, Rusiya ordusu Ukrayna qüvvələrinin cənuba doğru irəliləməsi istiqamətində ehtiyat canlı qüvvə və texnikanı artırır. Xüsusilə, mövqelərini möhkəmləndirmək üçün 200-ə yaxın hərbi qulluqçu və üçə qədər hərbi texnika cəlb edib.

Ukraynanın müdafiə qüvvələri fəal hərəkətlərini davam etdirir, rus ordusu isə müdafiəyə rəhbərlik edərək ələ keçirilmiş bölgələrin sərhədlərini saxlamağa çalışırlar. Eyni zamanda S-300 sistemləri, raket zərbələri və kamikadze pilotsuz təyyarələrindən istifadə olunur.

Bundan başqa, ruslar ukraynalı müdafiəçilərin irəliləməsinin qarşısını almaq üçün ərazini minalayırlar.