Ruslar bütün istiqamətlərdə hücuma keçdi - Son durum

Rus ordusu Ukrayna ərazisinə 18 aviazərbə və 4 raket zərbəsi endirib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Düşmən sutka ərzində 18 hava və 4 raket zərbəsi endirib. Əsas hədəf Kupyansk, Drujkovka və Zaporojye şəhərləri olub”, - məlumatda deyilir.

Baş Qərargah Volın və Polesski istiqamətlərində vəziyyətin ciddi surətdə dəyişmədiyini açıqlayıb.

"Belarus Rusiya Federasiyasının Ukraynaya qarşı silahlı təcavüzünü dəstəkləməkdə davam edir, onun ərazisini, hava məkanını və infrastrukturunu təmin edir. Hücum PUA-larından istifadə də daxil olmaqla, raket və hava zərbələri təhlükəsi qalmaqdadır.

Slobojansk istiqamətində işğalçılar Rusiya ərazisindən minaatan, lüləli və raket artilleriyasından istifadə etməklə Çuqunivka, Streleçye, Dvureçnaya, Kamenka, Krasnoe, Staritsa ərazilərində hücuma keçməyə cəhd edib.

Kupyansk istiqamətində Berestovoe, Kislovka, Kotlyarovka və Fiqolivka qəsəbələri ərazilərini tanklardan, minaatanlardan, lülədən və raket artilleriyasından atəşə tutublar.

Baş Qərargahın məlumatına görə, Liman istiqamətində düşmən Grekovka, Drujelyubovka, Makeevka, Ternı, Torskoe, Yampolovka, Sporenoe, Nevski, Verxnekamenskoe və rayonlarında tank, minaatan, lülə və reaktiv artilleriyadan atəş açıb".

Bildirilir ki, Baxmut istiqamətində yaşayış məntəqələri tanklardan və raket artilleriyasından, Avdeyev istiqamətində isə artilleriyadan atəşə tutulub.

Novopavlovsk və Zaporojye istiqamətlərində yaşayış məntəqələri vurulub.