Ərdoğanın çağırışına müsbət cavab - Məşhur siyasətçi AKP-yə qatıldı

Türkiyə Prezidenti Rəcəb Tayyib Ərdoğanın İyi Partiyaya yönəlmiş “Milli mövqedə dayan” çağırışına cavab verən Nazilli mahalının bələdiyyə sədri Kürşat Engin Özcan hakim Ədalət və İnkişaf Partiyasına (AKP) üzv olub.

Teleqraf.com xəbər verir ki, Özcan İyi Partiyanın təmsil olunduğu ən böyük bələdiyyə olan Aydın vilayətinin Nazilli mahalının bələdiyyə sədridir.

AKP-nin toplantısında “Sürprizimiz var” deyərək səhnəyə dəvət olunan Kürşat Engin Özcana hakim partiyanın döş nişanını Prezident Ərdoğan taxıb.