7 Dekabr 2022 13:20
558
12 Punto 14 Punto 16 Punto 18 Punto

Rusiya prezidenti Vladimir Putinin Suriya üzrə nümayəndəsi Aleksandr Lavrentyev Türkiyəyə səfər edəcək.

Teleqraf.com xəbər verir ki, Lavrentyev və onu müşayiət edən Rusiya nümayəndə heyətinin dekabrın 8-9-da İstanbulda olacağı gözlənilir.

Rusiya rəsmisi bundan əvvəl Türkiyənin Şimali Suriyadakı mümkün quru əməliyyatlarına etiraz edib.

Lavrentyev ikitərəfli və Astana formatı çərçivəsində Türkiyə ilə danışıqlar aparıldığını bildirib:

“Astana platformasından istifadə edərək türkiyəli həmkarlarımızla ətraflı müzakirələr apardıq və onları yerlərdə genişmiqyaslı əməliyyatlar keçirməkdən çəkindirməyə çalışdıq. Bu əməliyyat başlasa, zorakılıq təkcə Suriyanın şimal-şərqində deyil, Yaxın Şərqdə də arta bilər. Təbii ki, buna yol vermək olmaz. Ümid edirik ki, arqumentlərimiz Ankara tərəfindən nəzərə alınacaq və mövcud problemin başqa həll yolları tapılacaq”.


Müəllif: Mənsur Rəğbətoğlu