Muzeydən oğurlanan 31 tarixi əşya tapıldı

2019-cu ildə Almaniyanın Drezden şəhərində “Grüne Gewölbe” Muzeyindən oğurlanmış 31 ədəd əşya tapılıb.

Teleqraf.com xəbər verir ki, bu barədə Drezden polisi və prokurorluğu məlumat yayıb.

Dekabrın 16-dan 17-nə keçən gecə paytaxt Berlində qiymətli əşyalar ələ keçirilib. İlkin baxış zamanı 31 fərdi parça, o cümlədən, almaz dəstindən bir neçə parça, papaq bəzəyi və Polşanın Ağ Qartal nişanı aşkar edilib.

Polis ələ keçirilən parçaların Drezden Dövlət İncəsənət Kolleksiyasının mütəxəssisləri tərəfindən araşdırılacağını açıqlayıb.