Rusiyanın aerodromuna hücumun nəticələri - Son durum açıqlandı

Rusiya Federasiyasının Krasnodar diyarının Yeysk şəhərində baş verən partlayışların nəticələrini əks etdirən peyk görüntüləri dərc edilib.

Teleqraf.com xatırladır ki, aerodroma hücum fevralın 28-də baş verib.

“Sxemlər” tərəfindən yayımlanan foto aerodromun yanında yerləşən hava hücumundan müdafiə poliqonunun ərazisində böyük yanğının nəticələrini göstərir.

Şəkillər 1 mart 2023-cü il tarixinə aiddir. Müqayisə üçün fevralın 22-si üçün foto da əlavə edilib.

Eyni zamanda, peyk qeydə almadığından aerodromun özünün zədələnib-zərər çəkmədiyi hələlik məlum deyil.

Xəbərdə qeyd edildiyi kimi, fevralın 15-nə olan görüntülər daha əvvəl bir sıra Rusiya təyyarələrinin aerodromda olduğunu göstərir. Aerodromun şərq hissəsində iki MiQ-29 qırıcısı, iki sərnişin Tu-134, altı Su-34 və ya Su-37 qırıcısı, iki An-72 nəqliyyatı və bir İl-38 olub.