Yaponiyanın baş nazirinin çıxış edəcəyi yerin yaxınlığında partlayış

Yaponiyanın baş naziri Fumio Kişidanın Vakayama şəhərində çıxış edəcəyi yerin yaxınlığında partlayış baş verib.

Teleqraf.cim xəbər verir ki, baş nazir xəsarət almayıb. Siyasətçi hadisə yerindən təxliyə edilib.

Bildirilir ki, partlayış səsi yerli vaxtla saat 11:30-da eşidilib. Partlayış F.Kişidanın Vakayama şəhərindəki Saiqasaki balıqçı limanına baxış keçirməsindən sonra baş verib, bundan sonra o, ictimaiyyət qarşısında çıxış etməli idi.

"Kyodo" agentliyi xəbər verir ki, F.Kişidaya tüstü bombası və ya məşəl kimi görünən obyekt atılıb.

Hadisə yerində 1 nəfər saxlanılıb.