Səudiyyə kralı xəstəxanaya yerləşdirildi

Səudiyyə Ərəbistanın kralı Abdullah bin Əbdüləziz əl-Səud xəstəxanaya yerləşdirilib.

Kralın səhhətində ciddi problemlər yarandığından ər-Riyad şəhərindəki xəstəxanada tibbi müayinədən keçirilir. Lakin Kral Sarayının televiziya ilə yayımlanan bəyanatında onun səhhətilə bağlı hər hansı bir açıqlama verilməyib.

90 yaşlı Abdullah ölkəni 2005-ci ildən bəri idarə edir.

Qeyd edək ki, son aylar Səudiyyə Ərəbistanı kralının səhhətinin pisləşməsi ilə bağlı xəbərlər yayılıb. Kral hətta ABŞ prezidenti Barak Obama ilə görüşərkən tənəffüs borusundan istifadə etməli olub (ANS).