Rus ordusu iki istiqamətdə irəliləyir – Yeni ərazilər işğal edildi

Ukrayna Silahlı Qüvvələri son sutka ərzində Rusiya ordusunun 54 hücumunun qarşısını alıb.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rusiya qoşunları Baxmut, Avdiv və Marin şəhərləri (Donetsk vilayəti) istiqamətlərində irəliləməyə çalışırlar.

Ən şiddətli döyüşlər Baxmut istiqamətində gedir. Şəhər daxilində qanlı döyüşlər davam edir. Həmçinin ruslar Orixove-Vasilivka və İvanivsk rayonlarında irəliləməyə uğursuz cəhd göstərir.

Rusiya qoşunları Avdiv istiqamətində eyniadlı şəhərdə, həmçinin Severne və Pervomaisk qəsəbələrində irəliləyib.

Ruslar Marin şəhərinə də hücuma keçiblər. Burada da döyüşlərin intensivliyinin Baxmutda olduğu kimi kifayət qədər yüksək olduğu vurğulanır.

Bundan başqa, Rusiyanın itkiləri də xeyli artıb, son sutka ərzində Ukraynanın raket qüvvələri və artilleriyaçıları rusların bir sıra mühüm hərbi obyektlərini vurublar.

Rus ordusunun 6 PUA-sı məhv edilib. Ukraynanın raket qoşunları və artilleriya bölmələri Rusiyanın 2 zenit müdafiə sistemini və 2 digər mühüm hərbi obyektini sıradan çıxarıb.