Prezident Ərdoğan bu gün harada olacaq?

Türkiyədə yerli texnologiyanın inkişafında mühüm rol oynayan TEKNOFEST (texnologiya festivalı) İstanbul Atatürk Hava Limanında davam edir.

Teleqraf.com xəbər verir ki, dünyanın ən böyük aviasiya festivalı aprelin 27-dən mayın 1-dək keçirilir.

Prezident Rəcəb Tayyib Ərdoğan bu gün TEKNOFEST-də iştirak edəcək. Ərdoğan ziyarətdən və vətəndaşlara müraciət etdikdən sonra İzmir mitinqi üçün festivaldan ayrılacaq.

O, İzmir Gündoğdu meydanında vətəndaşlar qarşısında çıxış edəcək.

Qeyd edək ki, bu, Türkiyə prezidentinin səhhəti pisləşdikcən sonra ictimaiyyət arasına ilk çıxışı olacaq. Hazırda prezidentinin durumunun yaxşı olduğu bildirilir.