Bu sistemi yeniləməyə ehtiyac var - BMT-nin baş katibi

Dövrün reallıqlarına cavab vermək üçün BMT Təhlükəsizlik Şurasında islahatlar aparılmalıdır.

Teleqraf.com xəbər verir ki, bunu BMT-nin baş katibi Antonio Quterreş deyib.

Yaponiyanın Xirosima şəhərində G7 toplantısından sonrakı mətbuat konfransında çıxış edən Quterreş BMT Təhlükəsizlik Şurasının və Bretton Vuds sisteminin İkinci Dünya Müharibəsindən sonrakı dövrlərə uyğunluğunu, lakin indi yenilənməyə ehtiyac olduğunu bildirib.

“Qlobal maliyyə arxitekturası köhnəlmiş, qeyri-işlək və ədalətsiz olub. COVID-19 pandemiyası və Rusiyanın Ukraynaya təcavüzü nəticəsində iqtisadi sarsıntılar qarşısında o, qlobal təhlükəsizlik şəbəkəsi kimi əsas funksiyasını yerinə yetirə bilmədi”, - deyə təşkilat sədri bəyan edib.