Gecə saatlarında hücum: Ölkə ərazisi İran PUA-ları ilə vuruldu

Ukrayna hərbi aviasiyası gecə saatlarında İranın 26 kamikadze pilotsuz təyyarəsini məhv edib. Ümumilikdə, Ukrayna ərazisinə 28 dron atılıb.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

“Rus işğalçıları gecə saatlarında İran istehsalı “Şahid” hücum dronları ilə cənub-şərq istiqamətindən Ukraynaya hücum ediblər. Hücuma ümumilikdə 28 kamikadze dronu cəlb olunub”, - məlumatda deyilir.

Uğurlu döyüş əməliyyatları nəticəsində Ukrayna hərbi aviasiyasının qüvvə və vasitələri tərəfindən 26 hücum PUA-sə və bir “Zala” dronu məhv edilib.

Bundan əlavə, ötən sutka ərzində Rusiyanın 1 helikopteri, 3 “Lanset” tipli hücum PUA-sı və 4 əməliyyat-taktiki dronu vurulub.