Ukraynalılar təşəbbüsü ələ aldılar - Ruslar mövqelərini itirdilər

Ukrayna Silahlı Qüvvələri Baxmut, Melitopol və Berdyan istiqamətlərində əks-hücum əməliyyatlarını davam etdirir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahının sözçüsü Andrey Kovalyov məlumat verib.

Onun sözlərinə görə, Ukrayna qüvvələri Novodaniliv - Şiroka Balka, Mala Tokmaçka - Novopokrovka istiqamətlərindəmüsbət nəticələr əldə edirlər, ələ keçirilmiş mövqelərdə möhkəmlənirlər.

Kovalyov vurğulayıb ki, Rusiya ordusu güclü müqavimət göstərir, bölmələri və qoşunları hərəkətə gətirib. Ehtiyatlardan fəal istifadə olunur.

“Qoşunlarımız Baxmut şəhərinin şimalında və cənubunda hücum əməliyyatlarını davam etdirir. Cənub cinahında qismən uğur qazanıblar, yeni mövqelərdə möhkəmləniblər”, - Baş Qərargahın sözçüsü deyib.