Lukaşenko Putinlə danışmaq üçün Rusiyaya gəldi

Belarus Prezidenti Aleksandr Lukaşenko Moskvaya işgüzar səfərə yola düşüb.

Teleqraf.com xəbər verir ki, bu barədə Belarus mətbuatı məlumat yayıb.

Qeyd olunub ki, Lukaşenko rusiyalı həmkarı Vladimir Putinlə sabah görüşəcək,

Liderlər təhlükəsizlik məsələləri, iqtisadi əməkdaşlıq, müttəfiqlik proqramlarının həyata keçirilməsi, sanksiyalara qarşı birgə müqavimət və beynəlxalq gündəmi müzakirə edəcəklər.

Kreml də öz növbəsində bildirib ki, prezidentlər İttifaq dövləti çərçivəsində strateji tərəfdaşlıq və inteqrasiya əməkdaşlığının gələcək inkişafı barədə danışacaqlar.