Bu ölkə Ukraynaya minaların təmizlənməsi üçün 1 milyon ayırır

Xorvatiya minalardan təmizləmə işləri üçün Ukraynaya 1 milyon avro ayırıb.

Teleqraf.com xəbər verir ki, bu barədə Ukraynanın iqtisadiyyat naziri Yuliya Sviridenko məlumat verib.

“Xorvatiya Ukraynada humanitar məqsədlə - minatəmizləmə üçün 1 milyon avro ayırıb", - deyə nazir bildirib.

Xatırladaq ki, iyulun 25-də Sviridenko bildirib ki, Qərb minalardan təmizləmə işləri aparmaq üçün Ukraynaya 240 milyon dollardan çox vəsait verəcək. Həmin gün ABŞ-nin dövlət katibi Entoni Blinken Ukraynaya 400 milyon dollar məbləğində hərbi yardımın ötürüldüyünü elan edib.
Məlumata görə, yeni paketə təkcə silahlar deyil, həm də minalardan təmizləmə avadanlıqları daxil ola bilər.