Türkiyədə baş verən yanğın daha 10 fabrikə keçdi - Yeniləndi

Türkiyənin Bursa vilayətinin İnegöl rayonunda sənaye zonasında fabrikdə baş verən yanğın daha da güclənib.

Teleqraf.com xəbər verir ki, küləyin təsiri ilə ətrafa yayılan yanğın meşə məhsulları fabriklərini də bürüyüb.

Hazırda təxminən 10 fabrik yanır. İnegöl və ətraf rayonlardan çoxlu sayda yanğınsöndürən hadisə yerinə göndərilib. Bölgədə zaman-zaman partlayışlar meydana gəlir.

Ehtiyat tədbiri olaraq yaxınlıqdakı fabriklər boşaldılıb.

19:09

Türkiyənin Bursa vilayətinin İnegöl rayonunda fabrikdə baş verən yanğın onun yanındakı daha 3 fabrikə keçib.

Teleqraf.com xəbər verir ki, əraziyə cəlb edilən yanğınsöndürən qruplar alovlara müdaxilə edir.

Marşal Fevzi Çakmak küçəsində yerləşən sənaye zonasında fəaliyyət göstərən fabrikdəki yanğın qısa müddətdə yaxınlıqdakı daha 3 fabrikə yayılıb. Bu müəssisələrdə metal, mebel və iplik istehsal edilir.

Yanğının söndürlüməsi işləri hazırda davam etdirilir.