Bu ərazilər Rusiyaya verilir? – Zaxarovadan açıqlama

NATO-nun qərargah rəisi Stiyan Yensenin Ukraynanın alyansa qoşulma ehtimalı ilə bağlı bəyanatı müəyyən siyasi məqsədlər güdən saxtakarlıqdır.

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova deyib.

Diplomat Yensenin Ukraynanın işğal olunan əraziləri Rusiyaya verməyə razılaşacağı təqdirdə NATO-ya üzv ola biləcəyi ilə bağlı bəyanatına diqqət çəkib. Qərargah rəisinin fikrincə, həll yolu Ukraynanın bu ərazilərindən imtina etməsi və əvəzində NATO-ya üzvlüyü ola bilər.

“Söhbət bir növ yönəltmədən və təşviqdən gedir ki, bunun da müəyyən siyasi məqsədləri var”, - Zaxarova Yensenin açıqlamasını şərh edərkən bildirib.

Rusiya rəsmisi qərargah rəisinin təklifini “saxtakarlıq” adlandırıb.