Aylardır görünmürdü – Putin “general Armageddon”u bağışlamadı

Rusiya Hava-Kosmik Qüvvələrinin baş komandanı vəzifəsi müvəqqəti olaraq general-leytenant Viktor Afzalova həvalə edilib.

Teleqraf.com xəbər verir ki, bu postda o, general-polkovnik Sergey Surovikini əvəzləyib.

General Afzalov bura qədər Surovikinin birinci müavini vəzifəsini tutub.

Viktor Afzalov 2022-ci il fevralın 24-də Ukraynaya hücumun planlaşdırılmasında və təşkilində birbaşa iştirakçıdır.

Afzalov Hərbi Hava Qüvvələrinin 11-ci Ordusuna və hava hücumundan müdafiəyə komandanlıq edib.

Qəddar müharibə taktikaları ilə tanınan, buna görə “general Armageddon” adlandırılan Surovikin isə “Vaqner”in qiyamından sonra ictimaiyyət arasında görünmür. Dünən onun postundan uzaqlaşdırıldığı məlum olub.

Avqustun əvvəlində Surovikinin ev həbsində olduğu bildirilmişdi.

General 2017-ci ilin oktyabrından Rusiyanın hərbi aviasiyasına rəhbərlik edirdi.