ABŞ İlon Maskın şirkətini məhkəməyə verdi

ABŞ Ədliyyə Nazirliyi milyarder İlon Maskın “SpaceX” şirkətini məhkəməyə verib.

Teleqraf.com xəbər verir ki, buna səbəb şirkətin qaçqınların işə götürülməsində yaratdığı diskriminasiyadır.

İddia edilir ki, 2018-ci ilin sentyabrından 2022-ci ilin may ayına qədər “SpaceX” mütəmadi olaraq sığınacaq almış şəxsləri işə götürməkdən imtina edib.

Bildirilib ki, bu, immiqrasiya və vətəndaşlıq haqqında qanunun pozulmasıdır.