Rusiya ordusu hücumu dayandırmır – Hədəfi bu şəhərdir

Rusiya qoşunları Avdiv şəhərini mühasirəyə almaq cəhdlərini dayandırmır. Ukrayna ordusu isə Baxmut yaxınlığında hücumlarını davam etdirir və Robotinin cənubunda qismən uğur qazanıb.

Teleqraf.com xəbər verir ki, Ukrayna Silahlı Qüvvələrinin Baş Qərargahı ötən gün ərzində cəbhədə 55 toqquşma qeydə alıb.

Ukrayna hərbçiləri Kupyan istiqamətində İvanovkada rusların 5, eləcə də Luqansk vilayətinin Nadiya qəsəbəsi yaxınlığında bütün hücumlarını dəf edib. Rus ordusunun Baxmut istiqamətində Boqdanivka, Xromov, Klişçivka, Andrivka yaşayış məntəqələri ərazilərində hücumlarının qarşısı alınıb.

Ukraynanın müdafiə qüvvələri Baxmutdan cənubda hücum əməliyyatlarını davam etdirir.

Eyni zamanda, Rusiya aviasiyadan fəal istifadə etməklə Avdivi mühasirəyə almaq cəhdlərindən əl çəkmir, Ukrayna ordusu burada müdafiəni möhkəm saxlayır. Ukrayna qoşunlarının 10-dan çox hücumunu dəf etdiyi Keramik, Stepovoy, Avdiv, Tonenko ərazilərində rusların irəliləyiş cəhdi uğursuz alınıb.

Rusiya qüvvələrinin Marin və Pobedaya hücumları da nəticəsiz bitib, Ukrayna hərbçiləri bu istiqamətlərdə 15-ə yaxın hücumu dəf ediblər. Eyni zamanda, Rusiyanın Şaxtyor Zaporoje istiqamətlərindəki cəhdləri də uğursuz olub.

“Ukrayna müdafiə qüvvələri Melitopol istiqamətində hücum əməliyyatını davam etdirir, Robotinidən cənubda qismən uğur qazanıb, işğalçı qüvvələrə canlı qüvvə və texnika itkisi verir və bütün cəbhə boyu düşməni tükəndirir”, - məlumatda deyilir.