Ukraynada son durum: Rusların bütün hücumları dəf edildi

Son sutkada cəbhədə Ukrayna və Rusiya qüvvələri arasında 69 toqquşma baş verib. Rus ordusu bir sıra istiqamətlərdə hücuma cəhd etsə də, nəticə əldə edə bilməyib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna qoşunları Novomixaylivka və Marin yaxınlığında rusların 24 hücumunu dəf ediblər.

Rusiya qüvvələri Avdivi ələ keçirmək cəhdlərini dayandırmır, ukraynalı döyüşçülər müdafiəni möhkəm saxlayırlar.

Rusiya ordusunun Novokalınovıdan cənub-şərqdə, Novobaxmutivkadan şərqdə, Avdiv və Severnıda hücum əməliyyatları uğursuz olub. Ukrayna müdafiə qüvvələri bu istiqamətlərdə 17 hücumu dəf edib.

Rusların Kupyan istiqamətində Kislivka, İvanovka, Petropavlivka və Sinkivka yaxınlığında aviasiyanın dəstəyi ilə hücum əməliyyatları keçirməyə cəhd etsələr də, bu səyləri uğursuz alınıb. Rusiya qoşunlarının Baxmut istiqamətində Andrivka yaxınlığında, Klişçivka və Dubovo-Vasilivkadan şərqdə 10-a yaxın rus hücumu dəf edilib. Rusların Liman istiqamətindəki (Novoyeqorivka) cəhdləri də uğursuz olub.

Şaxtyor istiqamətində Staromayorsk yaxınlığında Rusiyanın iki hücum cəhdinin qarşısı alınıb.