29 Noyabr 2023 20:46
4 165
12 Punto 14 Punto 16 Punto 18 Punto

Rusiya uzunmüddətli yorucu müharibəyə hazırlaşır. Bunu həm hərbi əməliyyatların aparılması üçün maliyyə xərclərinin artırılması, həm də Rusiyanın “daha ​​güclü” olması ilə bağlı müxtəlif təbliğat uydurmaları sübut edir.

Teleqraf.com xəbər verir ki, bunu ukraynalı hərbi ekspert Aleksandr Musiyenko deyib.

Onun sözlərinə görə, Rusiya SSRİ-nin dağılmasından sonra ilk dəfə rekord məbləğdə hərbi büdcə qəbul edib.

Ekspert Rusiyanın müharibə xərclərini artırmasından sonra savaşı qələbəli sona çatdırmaq istəməsinə şübhə ilə yanaşdığını bildirib:

"Əslində, ideal olaraq, Rusiya üçün indi qalib sonluq cəbhə xəttini olduğu kimi sabitləşdirməkdir. Müəyyən taktiki məqsədlərə nail olmaqla. Məsələn, Avdivin və ya hansısa başqa ərazilərin ələ keçirilməsi və müharibənin mövqeli mərhələyə ötürülməsi - arxadan daha yaxşı dəstək alacağı bir mərhələyə”.

Musienkonun fikrincə, Rusiya Ukraynanın Qərbdəki tərəfdaşlarına müharibənin uzanacağını göstərmək, bununla da Kiyevə dəstək paketlərini azaltmağa nail olmaq istəyir.

“Söhbət Rusiyanın “gözlə-gör” strategiyasından gedir. Rusiya öz hərəkətləri ilə Qərbdə özünə faydalı olan siyasi dəyişiklikləri gözləmək istəyir, sonra da bizə sərfəli şərtlərlə danışıqları sırımaq”.


Müəllif: Mənsur Rəğbətoğlu