Zelenskidən Putinə şifrəli mesaj: “Ərazi güzəşti...”

Ukrayna Prezidenti Vladimir Zelenski yanvarın 11-də Estoniyaya səfər edib. Ukrayna başçısı Tallində Baş nazir Kaya Kallasla görüşüb.

Teleqraf.com xəbər verir ki, estoniyalı nazir Ukrayna bayrağının rənglərində kostyum geyinib.

Ukrayna lideri üzərində “48,3794° və 31,1656°” rəqəmləri həkk olunmuş sviter geyinib.

Almaniyanın “Bild” qəzeti bunu “Zelenskinin Vladimir Putinə şifrəli mesajı” adlandırıb.

Həmin rəqəmlər Ukraynanın Kirovoqrad vilayətinin Dobroveliçkovka kəndinin koordinatlarıdır. Ölkənin coğrafi mərkəzi 1991-ci ildə rəsmi olaraq tanınan sərhədlər daxilində yerləşir.

Ukrayna paralelləri və meridianlarının qovşağında yerləşən kənddə abidə ucaldılıb.

Nəşrə görə, Zelenski bununla ərazi güzəştlərindən imtina etdiyini və ölkəsinin sərhədlərində baş verən hansısa dəyişikliyi tanımaq niyyətində olmadığını bəyan edib.