ABŞ yenidən hərəkətə keçir - Bakıya kritik mesaj

Bir neçə yüksək rütbəli amerikalı diplomat Vaşinqtonun Azərbaycan və Ermənistan nümayəndələri arasında danışıqların ABŞ-də aparılmasında maraqlı olduğunu bildirib.

Teleqraf.com xəbər verir ki, bunu rusiyalı politoloq Sergey Markedonov deyib.

“Yanvarın 22-də Dövlət Departamentinin sözçüsünün köməkçisi Vedant Patel belə bir ssenarini istisna etməyib. Bundan bir müddət əvvəl ABŞ dövlət katibinin Avropa və Avrasiya məsələləri üzrə müavini Ceyms Obrayn da oxşar fikirləri söyləmişdi. Onun sözlərinə görə, dövlət katibi Entoni Blinken Bakı və İrəvandan olan həmkarlarını Vaşinqtonda görməkdən şad olardı.

2023-cü ilin sonunda ABŞ-nin açıq-aşkar Ermənistan-Azərbaycan danışıqları yoluna qədəm qoyduğu görünməyə başladı. 2024-cü ildə itirdikləri mövqelərini bərpa etməyə çalışacaqlar, prosesdə əsas moderator olmaq istəyirlər. İki ölkə arasında demarkasiya və delimitasiya ilə bağlı növbəti görüş yanvarın sonunda keçirilməlidir", - ekspert bildirib.

Markedonovun fikrincə, Vaşinqton bununla dünyaya regiondan çıxmağın prioritet olmadığını və əllərinin hələ də nəbzlerdə olduğunu göstərmək istəyir.