Avropa Komissiyası Rusiyaya qarşı yeni sanksiyaları müzakirə edəcək

Avropa Komissiyası Avropa İttifaqına üzv ölkələrlə Rusiya Federasiyasına qarşı təklif olunan 13-cü sanksiyalar paketinin təfərrüatlarını müzakirə etməyə başlayacaq.

Teleqraf.com xəbər verir ki, bu barədə "Reuters" agentliyi diplomatik mənbələrə istinadən bildirib.

Məlumata əsasən, qeyri-rəsmi görüşlər və yüksək səviyyədə müzakirələr Aİ-nin Rusiyaya qarşı yeni tədbirlər paketini rəsmi olaraq Avropa Şurasında müzakirə və səsvermə üçün təqdim etməzdən əvvəl sonuncu addım olacaq.

Təklifdə Rusiyanın sanksiyalardan yayınması ilə mübarizə tədbirlərinin, fiziki və hüquqi şəxslərin sanksiya siyahılarının genişləndirilməsi nəzərdə tutulur.