Livan-Suriya sərhədində toqquşma: 5 ölü

Livan-Suriya sərhədində silahlılarla baş vermiş toqquşmalarda 5 livanlı hərbçi həlak olub.

Teleqraf.com-un “RİA Novosti”-yə istinadən məlumatına görə, ötən gün Livan hərbçiləri silahlıların Suriya ilə həmsərhəd Ras Bəlbek şəhəri yaxınlığında yerləşən ordu zastavasına hücumunu dəf edib.

Livan ordusunun nümayəndələri döyüş zamanı çoxlu sayda silahlının məhv edildiyini bildiriblər, lakin öldürülən silahlıların sayı açıqlanmayıb. Toqquşmalarda 5 livanlı hərbçinin həlak olduğu bildirilir.

Məlumata görə, şiddətli döyüşlər səhər saatlarından axşamadək davam edib.

İnsidentin digər təfərrüatları açıqlanmır.