Savaş təhlükəli nöqtəyə çatdı – Qorxunc fəlakət barədə xəbərdarlıq edildi

Rusiya Zaporoje atom elektrik stansiyasını (AES) ələ keçirməklə çox təhlükəli oyun oynayır. Vaşinqton AES-dəki vəziyyəti izləyir.

Teleqraf.com xəbər verir ki, bunu ABŞ Dövlət Departamentinin sözçüsü Metyu Miller deyib.

“Zaporoje AES-ə PUA hücumu ilə bağlı xəbərlərlə tanışıq. Stansiyadakı durumu, o cümlədən Atom Enerjisi üzrə Beynəlxalq Agentliyin (AEBA) rəsmi hesabatlarını izləyirik. Xoşbəxtlikdən son hesabatda qeyd olunur ki, PUA zərbəsi nəticəsində dəyən ziyan nüvə təhlükəsizliyinə xələl gətirməyib”, - ABŞ rəsmisi bildirib.

Millerin sözlərinə görə, Rusiya Ukrayna AES-ni ələ keçirməklə çox təhlükəli oyun oynayır.

O, Moskvanı hərbi qüvvələrini geri çəkməyə və stansiyaya nəzarəti ukraynalı mütəxəssislərə qaytarmağa çağırıb. Miller nüvə fəlakətinə səbəb ola biləcək hər hansı hərəkətin yolverilməzliyini xatırladıb.