Bölgə cəhənnəmə döndü: “İskəndər” işə salındı, bombardmançılar havaya qaldırıldı

Rusiya ordusu gecə saatlarında müxtəlif növ raketlər və “Şahid” tipli PUA-lardan (İran istehsalı) istifadə etməklə Ukraynaya zərbələr endirib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

Ruslar ümumilikdə 31 hava hücumu vasitəsi, 14 hava-yer tipli raket və 17 zərbə PUA-sından istifadə edib.

Saratov vilayətindən qalxan Tu-95 strateji aviasiya təyyarəsindən 10 ədəd X-101 və X-555 qanadlı, Tambov vilayətindən də 1 ədəd “Kinjal” aeroballistik raketi atılıb. Krım və Krasnodardan “İskəndər-M” ballistik raketləri ilə 3 dəfə zərbə endirilib.

Ukrayna ərazisinə atılan “Şahid” PUA-ları Yeysk şəhərindən qalxıb.

Rusiyanın hava hücumları Ukrayna Hərbi Hava Qüvvələrinin aviasiya, zenit-raket bölmələri, mobil atəş qrupları və elektron vasitələri ilə dəf edilib.

Xmelnitski, Xarkov, Nikolayev, Odessa, Zaporoje, Dnepropetrovsk və Kirovoqrad vilayətlərində 24 hava hədəfi vurulub:

7 ədəd X-101 və X-555 qanadlı raketi;

17 “Şahid” dronu.