Putinə Koreyanın ən yüksək dövlət mükafatı verildi

Şimali Koreyaya səfəri zamanı Rusiya prezidenti Vladimir Putin KXDR-in ali dövlət mükafatı olan Kim İr Sen ordeni ilə təltif edilib.

Teleqraf.com xəbər verir ki, ordeni Rusiya liderinə KXDR-in dövlət məsələləri üzrə sədri Kim Çen In şəxsən təqdim edib.

“Yoldaş Kim Çen In hökumətimizin və xalqımızın ona sonsuz hörmət və etimadının ifadəsi kimi KXDR-in ən yüksək ordeni olan Kim İr Sen ordenini yoldaş Vladimir Putinə təqdim etməyi böyük şərəf hesab edib” – deyə məlumatda bildirilir.