Zaxarova ABŞ-a cavab verdi - “Odla oynamayın"

Rusiya Kimyəvi Silahlar Konvensiyasının (CWC) rejimini tamamilə məhv etməmək üçün ABŞ və müttəfiqlərinə “odla oynamamağı” məsləhət görür.

Teleqraf.com yerli mətbuata istinadən xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarovanın Kiyev rejiminin kimyəvi silahdan istifadə etməsi və onun istifadəsinə hazırlanması ilə bağlı şərh edərkən deyib.

"Biz Vaşinqtonu və onun peyklərini 1997-ci ildən bəri qurulmuş CWC rejimini tamamilə məhv etməmək üçün odla oynamamaq barədə xəbərdar edirik", - Zaxarova qeyd edib.

Zaxarova vurğulayıb ki, NATO-ya üzv ölkələrin Rusiyanın strateji məğlubiyyətinə nail olmaq istəyini dayandıra biləcək heç bir beynəlxalq hüquq norması yoxdur .

Onun sözlərinə görə, Kiyev rejimi ilə Yaxın Şərq və Afrikadakı islamçılar arasında qarşılıqlı əlaqə faktları sübut edir ki, kimyəvi terrorizm Ukrayna xüsusi xidmət orqanlarından qaynaqlanan real təhlükədir.