Biz müharibə istəmirik - Pezeşkian

İran münaqişəni qızışdırmaq istəmir, lakin eyni zamanda ərazisinə hücumuna görə İsrailə müvafiq şəkildə cavab vermək hüququnu özündə saxlayır.

Teleqraf.com xəbər verir ki, bunu İran Prezidenti Məsud Pezeşkian deyib.

“Biz müharibə istəmirik, lakin xalqımızın və ölkəmizin hüquqlarını müdafiə edəcəyik, biz İsrailin təcavüzünə müvafiq cavab verəcəyik”, - Pezeşkian bildirib.

"İsrailin təcavüzü və cinayətləri davam edərsə, gərginlik artacaq və bilirik ki, Birləşmiş Ştatlar İsraili bu faciələrə təhrik edir. ABŞ bizə qarşı müharibəni dayandıracağını vəd edib, lakin vədinə əməl etməyib", - Pezeşkian əlavə edib.