NATO-ya qarşı "Slavyan qardaşlığı" təlimi

Qara dənizdə NATO-nun Ukrayna ilə keçirdiyi genişmiqyaslı "Dəniz Küləyi 2015" təliminə cavab olaraq, Rusiya Belarus və Serbiya ilə birgə əzələ nümayişi etdirib.

Teleqraf.com xarici mediaya istinadən xəbər verir ki, əsas diqqətçəkən məqam Rusiyanın rəhbərliyi ilə keçirilən təlimə "Slavyan qardaşlığı" adının verilməsi olub. Sentyabrın 5-ədək davam edəcək təlimdə hər üç ölkənin hava desantlarından ibarət 700 əsgər iştirak edir.

Rusiya Hava Desant Qoşunları Komandanı general Vladimir Şamanovun sözlərinə görə, təlimdə əsas məqsəd qeyri-qanuni silahlı dəstələrin vaxtında zərərsizləşdirilməsidir.

Samir