7 ölkədən Rusiya ilə bağlı birgə BƏYANAT

Rusiyanın Suriyadakı hava hücumları ilə bağlı Türkiyə, ABŞ, Almaniya, İngiltərə, Fransa, Qətər və Səudiyyə Ərəbistanı birgə bəyanat yayıblar.

Teleqraf.com xarici mediaya istinadən xəbər verir ki, bəyanatda bildirilir: "Türkiyə, ABŞ, Almaniya, İngiltərə, Fransa, Qətər və Səudiyyə Ərəbistanı hökumətləri olaraq, Rusiya Federasiyasının Suriyadakı hərbi fəaliyyəti ilə bağlı bəyan edirik:

Rusiyanın Suriyanın Hama, Homs və İdlib şəhərlərində dinc sakinlərin ölümünə səbəb olan və İŞİD-i hədəf seçməyən hücumlarından narahatlığımızı ifadə edirik.

Bu kimi addımlar Suriyadakı vəziyyəti daha da gərginləşdirə bilər. Rusiyanı Suriyadakı müxaliflərə və dinc sakinlərə yönəlik hücumlara son verməyə və İŞİD-i hədəf seçməyə çağırırıq".

Qeyd edək ki, Rusiyanın Xümsə etdiyi hava hücumunda 36 dinc sakin həyatını itirib.

Samir