Meksikada güclü qasırğa: 5 nəfər ölüb, 35 nəfər xəsarət alıb

Meksikada baş verən güclü qasırğa ciddi fəsadlar törədib.

APA-nın TASS agentliyinə istinadən verdiyi məlumata görə, nəticədə 5 nəfər ölüb, 35 nəfər xəsarət alıb

Paytaxt Mexikoda sürəti saatda 70 km-ə çatan külək 55 elektrik dirəyini aşırıb, 100-ə yaxın avtomobil zədələnib.

Ölkənin müxtəlif regionlarında 1 600 yaşayış evinə ziyan dəyib, 4 milyona yaxın insan elektrik enerjisiz qalıb.