Evdən pul və qızıl oğurlandı – Ağcabədidə

Ağcabədi rayonunda oğurluq hadisəsi baş verib.

Daxili İşlər Nazirliyinin mətbuat xidmətinin Bərdə regional qrupundan Teleqraf.com-a verilən məlumata görə, Ağcabədi rayon sakini olan bir qadın ərizə ilə müraciət edərək ona məxsus evdən oğurluq olduğu barədə məlumat verib.

Məlumatla əlaqədar Ağcabədi rayon polis şöbəsində dərhal əməliyyat qrupu yaradılıb, hadisə yerinə baxış keçirilib.

Davam etdirilən əməliyyat-axtarış tədbirləri nəticəsində 500 manat və 1000 rus rublu, habelə qızıl boyunbağı oğurlamaqda şübhəli bilinən əvvəllər məhkum olunmuş, Hindarx qəsəbə sakini Nicat Savalanov saxlanılıb.

Ətrafında aparılan əməliyyat tədbirlər ilə onun cari ilin yanvar ayının 30-da rayon ərazisindəki daha bir evdən 150 manat pul və qızıl-zinət əşyaları oğurlaması da müəyyən edilib.

Faktla bağlı cinayət işi başlanılıb, araşdırmalar davam etdirilir.