Saray qəsəbəsində əməliyyat: Həbs olunanlar var

Abşeron rayonu, Saray qəsəbəsində əməliyyat keçirilib.

Teleqraf.com xəbər verir ki, Abşeron rayon Polis İdarəsi əməkdaşlarının daxil olmuş məlumatlar əsasında keçirdikləri əməliyyat tədbirləri nəticəsində Saray qəsəbə sakinləri, əvvəllər məhkum olunmuşlar Fərid Hüseynov və M.Dadaşov saxlanılıblar.

Şəxsi axtarış zamanı F.Hüseynovdan 1 kiloqram 230 qram, M.Dadaşovdan isə 1 kiloqram 210 qram marixuana aşkar edilib.

İstintaq orqanı tərəfindən hər iki şəxsin barəsində Cinayət Məcəlləsinin 234.4.3-cü (külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddəsi ilə ittiham elan edilib