“Zirə” daha bir futbolçu ilə müqavilə imzaladı

“Zirə” klubu daha bir futbolçu ilə müqavilə imzalayıb.

Teleqraf.com klubun rəsmi saytına istinadən xəbər verir ki, bu, əslən Qanadan olan hücumçu Riçard Qadzedir.

Klub 22 yaşlı oyunçu ilə 1,5 illik anlaşma əldə edib.

2012-ci ildə Qananın “Ebusua” klubunda peşəkar karyerasına başlayan Riçard Qadze 3 il sonra Hindistan təmsilçisi “Delhi Dinamos”a keçib. Qadze, həmçinin icarə əsasında Finlandiyanın HİK klubunda da forma geyib.