Türkiyə millisinə yeni baş məşqçi gətirildi

Türkiyə millisinin yeni baş məşqçi təyin edilib.

Teleqraf.com Türkiyə mətbuatına istinadən xəbər verir ki, Fatih Terimin yerinə Mirça Luçesku gətirilib.

Türkiyə Futbol Federasiyasının nümayəndələri bununla bağlı rumıniyalı mütəxəssislə razılığa gəlib. Onunla 2+1 illik müqavilə imzalanacaq. 72 yaşlı çalışdırıcı ilinə 2.5 milyon avro maaş alacaq.

Qeyd edək ki, M.Luçesku 2000-2002-ci illərdə "Qalatasaray", 2002-2004-cü illərdə "Beşiktaş"da baş məşqçilik edib.

Xatırladaq ki, M.Luçesku ötən mövsüm "Zenit"i çalışdırıb.