Əfran: “Vurduğum qollarda prezidentin rolu böyükdür”

Millimizin yarımmüdafiəçisi Əfran İsmayılov San Marino üzərindəki möhtəşəm qələbə ilə bağlı fikirlərini bölüşüb.

Teleqraf.com xəbər verir ki, Ə.İsmayılov vurulan qollarda Azərbaycan Prezidenti İlham Əliyevin ona dediyi sözlərin böyük rol oynadığını bildirib:

“Ölkə başçısının qəbulunda olmaq hər birimizin arzusudur. Belə bir görüşdə olarkən yaşadığımız hisləri anlamaq üçün elə bir qəbulda olmaq lazımdır. Sevindirici haldır ki, prezident mənimlə təkbətək söhbət etdi və təriflədi. Məhz bu, matçlara daha yaxşı motivasiya olmağımda rol oynadı. Təbii ki, dünən vurduğum qollarda o sözlərin də motivasiyası böyük idi. Xalqımızı, prezidentimizi sevindirdiyim üçün şadam".

Qeyd edək ki, qarşılaşma millimizin 5-1 hesablı qələbəsi ilə başa çatıb. Bu qələbə ilə Azərbaycan yığması öz qrupunda 3-cü pilləyə yüksəlib.