Bakıda keçiriləcək dünya çempionatına 8500-dən çox bilet satıldı

Bakıda keçiriləcək bədii gimnastika üzrə 37-ci dünya çempionatına indiyədək satılan biletlərin sayı müəyyənləşib.

Teleqraf.com Azərbaycan Gimnastika Federasiyasının rəsmi saytına istinadən xəbər verir ki, mundial üçün artıq 8500-dən çox bilet satılıb. Satışın 45 %-ni onlayn sistemdən yararlanan xarici azarkeşlər təşkil edir.

Milli Gimnastika Arenası çempionat günlərində Rusiya, Türkiyə, Ukrayna, İsrail, Yaponiyadan olan fanatlarla yanaşı, Fransa, Almaniya, Bolqarıstan, İspaniya, İtaliya, Finlandiya, Xorvatiya, Niderland, Qazaxıstan, Malayziya, Meksika, Peru və Paraqvaydan olan azarkeşləri qonaq edəcək.

Qeyd edək ki, dünya çempionatı 16 - 22 sentyabrda keçiriləcək.