“Formula-1” yarışları İtaliya mediasının diqqət mərkəzində

İtaliyanın aparıcı idman saytlarında Azərbaycanda ilk dəfə keçiriləcək “Formula-1” üzrə Avropa Qran-pri yarışları haqqında yazılar yerləşdirilib.

Teleqraf.com-un məlumatına görə, yazılarda dünyanın nadir şəhərlərindən olan Bakıda bundan əvvəl keçirilmiş digər mühüm idman tədbirləri kimi, F1 yarışlarının da yüksək səviyyədə təşkil ediləcəyi, idmansevərlərə böyük zövq verəcəyi ilə bağlı fikirlər oxucuların diqqətinə çatdırılır.

Qeyd edilir ki, F1 azarkeşlərinə böyük hədiyyə olan bu turnir həm də Bakının gözəlliyini bütün dünyaya bir daha nümayiş etdirəcək.