"Aslan" əzəli rəqibinə qalib gəldi - VİDEO / FOTO

Türkiyə Super Liqasının 6-cı turunun mərkəzi qarşılaşması baş tutdu.

Teleqraf.com-un məlumatına görə, iki İstanbul nəhəngi "Qalatasaray" və "Fənərbaxça" arasında oynanan derbi 2-1 hesabı ilə meydan sahiblərinin xeyrinə başa çatıb.

İlk hissədə hər iki tərəfin səylərinə baxmayaraq hesab açılmayıb. İkinci hissədə qonaq futbolçu Bruno Alveşin 53-cü dəqiqədə qırmızı vərəqə alması oyunun tempini qaldırıb.

Ardıcıl hücumlar təşkil edən "Qalatasaray" nəhayət 88-ci dəqiqədə Uesli Sneyderin möhtəşəm qolu ilə hesabda önə keçiblər. Cəmi üç dəqiqə sonra hollandiyalı ulduz futbolçu daha bir fantastik zərbə ilə "sarı-qırmızılılar"ın üstünlüyünü daha da artırıb.

Oyuna əlavə edilmiş 5-ci dəqiqədə hakimin kobud səhvindən sonra Alper Potuk hesabı minimuma endirib.

Matç 2-1 hesabı ilə "Qalatasaray"ın xeyrinə başa çatıb.

"Qalatasaray" - "Fənərbaxça" - 2:1

Qollar: Uesli Sneyder, 88 (1:0), 90+1 (2:0), Alper Potuk, 90+5 (2:1)

Qırmızı vərəqə: Bruno Alveş, 53 ("Fənərbaxça")

Uğur