Olivye Jiru Fransa millisinin ən yaxşı bombardiri oldu

İtaliyanın "Milan" klubunun hücumçusu Olivye Jiru bazar günü Tyerri Anrini keçərək Fransa millisinin bombardiri olub.

Teleqraf.com xəbər verir ki, O.Jiru mundialın 1/8 finalında Polşa ilə görüşdə qol vurub. Hücumçu üçün bu qol Fransa millisindəki 52-ci olub ki, bu da ona bu göstərici üzrə millinin sabiq hücumçusu Anrini keçməyə imkan verib. Turnirin qrup mərhələsinin ilk turunun Avstraliya yığması ilə oyununda (4:1) O.Jiru dubla imza atmışdı.

36 yaşlı O.Jiru 2021-ci ilin iyulundan "Milan"da çıxış edir. Komanda ilə birlikdə futbolçu ötən mövsüm İtaliya çempionu olub. Karyerası ərzində O.Jiru Fransanın “Qrenobl”, “İstres”, “Tours” və “Monpelye”, habelə İngiltərənin “Çelsi” və “Arsenal” klublarında çıxış edib və bu komandalarda üç dəfə İngiltərə Kuboku və Superkubokunu qazanıb. “Çelsi”də çıxış edən fransalı futbolçu Çempionlar Liqası, Avropa Liqası və İngiltərə Kubokunun qalibi olub. Monpelyenin rənglərini qoruyan hücumçu Fransa çempionatının qalibi olub.

Milli komanda ilə birlikdə O.Jiru Dünya Çempionatının qalibi (2018) və Avropa çempionatının gümüş mükafatçısı olub (2016).